Канцеларијата на обвинителството на Египет издаде наредба за апсење на лидерот на Муслиманското братство, Мухамед Бади под обвиненија за поттикнување насилство надвор од седиштето на Републиканската гарда, каде што 51 лице беа убиени во понеделникот, јавува државната агенција МЕНА.
Наредба за приведување е доставена и за други претставници на Братсвото, вклучувајќи го и заменикот на Бади, Махмуд Езат, и лидерите на партијата Есам Ел-Ериан и Мохамед ел-Белтаги.
Уште девет други лица се вклучени во апсењето, јавува Ал Џезира.
Џехад Хадад, портпарол на Братството, изјави дека лидерите на движењето сеуште не биле приведени а наводните обвиненија против Мохамед Бади и другите членови, е обид да се скрши тековната будност.
Илијадници следбеници на Братството одржуваат бдеење во близина на џамија во североисточен Каиро, барајќи враќање на Мохамед Морси кој беше соборен од функцијата претседател минатата недела од страна на армијата