Египетски суд осуди на смрт најмалку 528 поддржувачи на соборениот исмалистички претседател Мохамед Морси по масовното судење под обвиненија за насилни протести и убиство на полициски службеник.
Судот во градот Минја на јужниот дел од земата, казната ја изрече после две рочишта, а адвокатите на обвинетите се жалат дека во текот на судскиот процес не им било дозволено да ги претстават аргументите на одбраната, пренесува АП.
Повеќе од 150 обвинети присуствуваа на судењето додека на останатите им се судеше во отсуство бидејќи се во бекство. Околу 16 се ослободени. Сите имаат право на жалба.
По соборувањето на Мохамед Морси јули минатата година, поддржувачите на Морси се соочуваат со жестоки акции од власта на чело со војската, при што убиени се стотина луѓе, а уапсени се над илјадна, наведува француска агенција.