Во првата половина од годинава земјите на Западен Балкан имаат извесно закрепнување на економски раст, но тоа не се одрази на големата стапка на невработеност, ниту пак го подобри животниот стандард и зголемувањето на потрошувачката во регионот, констатира Европската комисија во својата економската анализа, пренесе српската агенција Бета.
Во анализата се нагласува дека до заживување во економијата и растот на домашниот брутопроизвод (БДП) во земјите од овој регион дошло бидејќи лани четири земји западнале во рецесија.
Заздравувањето и економскиот раст би требале да продолжат, но и натаму ќе да бидат „кревки“.
„Разликите во растот на БДП не се занемарливи и се движат од 2,1 проценти во Србија, па сè до 4,3 проценти во Црна Гора. Невработеноста во Босна и Херцеговина достигна стапка од 44,5 проценти годинава, а само донекаде е намалена во Албанија, исто како и во Македонија, каде сè уште е 29,9 проценти и во Србија, каде е 24,1 процент”, се констатира во Анализата.
Во однос на инфлацијата, во анализата се наведува дека во Македонија и Турција, инфлацијата расте, додека во Србија стагнира, но се уште е многу висока”.
ЕК констатира и дека „причините за поголеми буџетски дефицити отколку што е планирано во 2012 година, се поради паѓањето на буџетските приходи во Србија и во БиХ, а покрај тоа во Македонија и Албанија се значително зголемени издатоците, така што буџетскиот дефицит во Македонија бил повисок од планираниот во првите месеци годинава и брзо пораснал на над 70 проценти на целосната годишна цел“.