Европската комисија во својот годишен извештај за Србија оценила дека земјата „доволно ги исполнила“ политичките критериуми, а делумно и економските критериуми на Европската Унија.
Во извештајот исто така се наведува дека очекувањата се Србија да ги започне пристапните преговори со Унијата најдоцна до јануари следната година. ЕК смета дека 2013 била историска година за патот на Србија кон ЕУ, особено поради придонесот што земјата го дала во нормализирање на одностите со Приштина.
За Босна и Херцеговина беше речено дека оствариле многу ограничен напредок, додека Црна Гора продолжува во доволна мера да ги исполнува политичките кртериуми. Примената на пресудата во случајот „Сејдиќ-Финци“ останува клучна за стапувањето во сила на Спогодбата за стабилизација.
Во денешната објавување на годишниот извештај за напредокот на БИХ во процесот на веропската интеграција, Европската комисија укажува дека и понатаму земјата нема заедничка визија кај политичките претставници и иднината на земјата.
Албанија пак доби пофалба за добро спроведените мирни избори без инциденти, усвојување на закони кои се пресудни за европската програма, со што значително се приближила кон статусот земја кандидат за членство во Унијата.
Комисијата во Брисел во својот извештај за Косово наведува дека земјата активно и конструктивно работела на трајно подобрување на односите со Србија и поради тоа преговорите на релација Косово – ЕУ ќе почнат кон крајот на овој месец. Во извештајот се подвлекува дека Косово сепак мора до крај да ја исполни спогодбата со Србија, посебно делот со полицијата, правосудството и општинските избори.