Македонија е рангирана на 73-то место, од вкупно 165 земји, според Индексот на демократија за 2012 година на лондонскиот магазин “Економист”.
Од регионот пред Македонија се: Србија (66), Бугарија (54), Хрватска (50), Грција (33), Словенија (28), а пред нас се Црна Гора (76), Албанија (90), Босна и Херцеговина (98).
Македонија од максималните десет поени има 6,16.
Во оценките се опфатени: Граѓански слободи- 7,94 поени, изборен процес и плурализам-оценката е 7,75, функционирањето на Владата- 4,64, политичка партиципација со 6,11, политичка култура со 4,38.
Очекувано, како најдемократски земји во првите десет се: Норвешка, Шведска, Исланд, Данска, Нов Зеланд Австралија, Швајцарија, Канада, Финска, Холандија.
Со најнизок степен на демократија е Северна Кореја, потоа следуваат Гвинеја-Бисау, Чад, Сирија, Саудиска Арабија, Туркменистан, Узбекистан.
Во листата, пред Македонија како земји со подемократски капацитет се Папуа Нова Гвинеја, Монголија, Суринам, Лесото, Намибија, Замбија.
Индексот на демократија Економист го мери според следниве параметри: Изборен процес и плурализам, граѓански слободи, функционирање на власта, политичка партиципација и политичка култура.