ЕКОВАС: Нови 6.000 војници во Мали

Економската заедница на западноафриканските држави (ЕКОВАС) на вонредниот состанок во Абиџан соопшти дека ќе го зголеми бројот на војници во Мали за уште шест илјади повеќе, кои би им се придружиле на досегашните 4.000. Во меѓувреме, француските сили во Мали напредуваат кон клучниот северен град Тимбукту, продолжувајќи со својата офанзива против исламистичките бунтовници, додека вчера малиските и француските сили го зазедоа Гао, уште еден клучен северен град. Од друга страна, САД го интензивираат своето инволвирање во Мали, преку давање поддршка на француската војска преку трансфер на гориво, одлука која беше донесена вчера после разговорот помеѓу секретарот за одбрана Леон Панета и францускиот министер за одбрана Жан-Ив Ле Дриан.