Екстра меин бара одговорност за пропустите во постапката за испитување

Екстра меин обвинува за пропусти во постапката од страна на Центарот за јавно здравје во Велес при испитувањето на листерија од мострите на свинскиот врат, со што велат дека е нанесена штета на угледот на компанијата.

Од Екстра меин ја повикуваат директорката Флорентира Ристовска Шурбевска да одговори зошто не извршена квантификација, (броење на бактериите) со што секоја понатамошна фаза на испитување е невалидна. Прашуваат дали директорката е сигурна кога се земени мострите бидејќи датумите не документите не се совпаѓаат.

-Истата таа директорка, во својот Извештај до Министерот за здравство испратен за целиот таканаречен случај воопшто не е сигурна кога се земени мострите, на 23 јули или на 25 јули, бидејќи на два различни документи стои различен датум. Ако не знае Ристовска Шурбевска, кој друг треба да знае? Згора на се не се сигурни ниту нејзините вработени кои ги земале примероците, како што објавија медиумите, а на самиот записник датумот е пречкртуван.

Jавно ја прашуваме Шурбевска каде биле цели два дена мострите? Ако се донесени на 23 јули, согласно нејзиниот Извештај до министерот, зошто тогаш дури на 25 јули се доставени до нејзината лабораторија?

Како датум на завршување на тестирањата во Велес е наведен 5 август 2014! Ова, пак, отвора други прашања, како на пример, што се правело сите овие денови? Како се постапувало со примерокот? Како се чувал примерокот?

Зошто се дозволени пропусти во постапката и истите се премолчуваат? Зошто не се бара одговорноста во спроведување на процедурите?

Од компанијата Екстра меин ја потсетуваат Шурбевска дека вакумираниот свински врат, според Правилникот за посебни барања за микробиолошките критериуми за храна влегува во класификацијата 1.3, каде што е дозволено присуство на 100 колонии по грам во рок на траење.

– Нашиот производ, сецкан свински врат е ставен во непотребна постапка при што е создаден случај без основа, со што се нанесе штета на угледот на компанијата, која 20 години е на пазарот со стандардидизирани и квалитетни производи, велат од компанијата Екстра меин.