За многумина во изминатите години, главниот збор во енергетскиот сектор е „изобилство“. Индустријата која долго време се обидуваше да го рационализира производството на фосилни горива за да ги одржува високите цени, одеднаш е затрупана со прекумерна понуда, бидејќи америриканскиот бум од шкрилци ја намали цената на нафтата низ светот и изворите на чиста енергија, како што се ветерниците и сонцето, кои се натпреваруваа со други горива кои се користат за производство на енергија, како што јагленот и природниот гас, пишува Економист.
Прекинот на струја во делови од Кина делумно произлегува од обидите на земјата за намалување на емисиите. Намалувањето на залихите на јаглен во електраните во Индија се поврзани со порастот на цената на увозот на стоката. Економист пиштува дека се очекува уште полоши години во овој сектор, а предвидува пад на инвестициите во нафтени бунари, центри за природен гас и рудници за јаглен. Оваа година недостатокот на инвестиции е една од главните причини зошто цените на сите три енергенти се зголемија.
Организацијата на земјите извознички на нафта (ОПЕК) и нејзините сојузници предводени од Русија потврдија дека „скромно“ ќе го зголемат производството во наредните месеци, и покрај напнатата ситуација поради недоволното снабдување со нафта на светските пазари.
ОПЕК + ќе го зголеми производството за само 400.000 барели дневно во ноември, во согласност со одлуката во јули, и покрај недостатоците на светскиот пазар.
Цената на суровата нафта Брент на лондонскиот пазар во понеделникот се искачи над 80 долари за барел, достигнувајќи го највисокото ниво во последните три години.
Одлуката на нафтениот картел се совпадна навреме со напнатата ситуација на светскиот пазар поради брзото закрепнување на економските активности од крзата со пандемијата, што стимулира силна побарувачка за нафта.
Снабдувањето, сепак, е недоволно поради бавното продолжување на производството на нафта во Мексиканскиот Залив по САД по два урагани и проблемите на некои производители со зголеменото производство по недоволните инвестиции и лошото одржување на инфраструктурата во пандемијата.
Така, Ангола и Нигерија, значајни производители на нафта, со месеци не ги користат квотите на ОПЕК +.
Поскапувањето на нафтата се чувствува и на бензинските пумпи. Во Германија, за време на викендот, цената на Е10 Супер надмина просек од 1,60 евра за литар за прв пат од 2013 година.