Турскиот премиер Реџеп Таип Ердоган вчера објави голема реконструкција на владата, откако три челна од неговиот кабинет поднесоа оставки поради најголемиот корупциски скандал во 11-годишното владеење на Ердоган.
Ердоган одлучи да замени десет министри, односно половина од својата влада, по што оставки поднесоа тројца министри, чии синови минатата седмица беа уaпасени поради примање на мито, пренесува Ројтерс.
Двајцата министри во оставка истрагата ја оценија како неоснована и наместена, додека третиот министер Ердоган Бајрактар го повика и премиерот Ердоган да си поднесе оставка, посочувајќи дека е дел од проектот кој е под антикорупциска истрага.