Ерусалим е се уште парализиран поради снегот кој падна минатата недела. Јавниот превоз не функционира, училиштата се затворени, а илјадници луѓе се без електрична енергија.
Голем број патишта се затрупани со снег, мраз и искршени дрвја.
Во појасот Газа училиштата и државните установи се отворени по поплавите предизвикани од силните дождови на таа палестинска територија. Речиси 40.000 жители во Газа мораа да ги напуштат своите домови, објавува АП.
Невремето почна во среда во Ерусалим, каде зимата најчесто поминува без снежни врнежи.
Минатата недела во повеќе области во Египет, како и во предградието на Каиро го покри снежна покривка, првпат после долги години. Жителите велат дека такво нешто гледаат прв пат во нивниот живот.
Ова е прв снег во Египет после 112 години.