Советот за безбедност на ОН, НАТО и Европската унија категорично го осудија убиството на францускиот заложник Ерве Гурдел во Алжир од страна на организацијата Џунд ал Халифа, која е поврзана со Исламска држава.
– Членовите на СБ категорично го осудуваат гнасното и подло убиство на францускиот граѓанин од групата Џунд ал Халифа. Убиството повторно ги покажува варварството на оние, кои се поврзани со ИД, се наведува во соопштението усвоено на седницата на СБ за меѓународен тероризам.
Во соопштението на високиот претставник на ЕУ за надворешна политика и безбедност се наведува дека убиството на Гурдел е варварско и навреда кон сите општипризнати норми и правила.
НАТО убиството на францускиот заложник го нарече варварски терористички чин, за кој не може да има никакво оправдување.
Американскиот претседател Барак Обама изрази солидарност на својата земја со Франција. Алжирските власти, исто така, го осудија убиството нарекувајќи го одвратно и жално.