Делегација на Комитетот за буџетска контрола на Европскиот парламент (ЕП) денеска почнува тридневна посета на Бугарија, соопшти ЕП. Европратениците ќе ги испитуваат наводите за корупција и злоупотреба на јавните средства и како тие влијаат врз финансиските интереси на ЕУ.
Во делегацијата се Томаш Здечовски (ЕПП, Чешка), Цветелина Пенкова (С&Д, Бугарија), Софија ин’т Велт (Рењу, Холандија), Виола фон Крамон Таубадел (Зелени/ЕСА, Германија), Јоаким Кус (ИД, Германија), Ришард Чарнецки (EQF, Полска) и Андреј Новаков (ЕПП, Бугарија) како придружен член.
Делегацијата ќе има средби со различни бугарски граѓански организации, истражувачки новинари, како и со високи државни и владини претставници кои се директно или индиректно вклучени во администрацијата и управувањето со европските фондови во Бугарија. Меѓу нив и со претставници на министерствата за финансии, за внатрешни работи и за земјоделство, како и како и од Обвинителството, Националното собрание на Бугарија, Извршната агенција одговорна за ревизија на фондовите на ЕУ, Националната канцеларија за ревизија и Националната асоцијација на општини во Бугарија.