Федералното биро за истрага (ФБИ), со своја канцеларија во Србија, договорено е на средбата на Српскиот премиер Ивица Дачиќ, со директорот на ФБИ, Роберт Милер, во Вашингтон.
Дачиќ рече дека се договориле со ФБИ за размена на податоци, и соработка во обуките на српските институции.
Според Дачиќ, ФБИ го смета Белград за регионален лидер во борбата против криминалот.
– Српската Влада е подготвена да соработува со ФБИ за искоренување на сите видови криминал, тероризам, трговија со луѓе, наркотици и оружје. Заедничката работа ќе придонесе за подобрување на политичките односи меѓу Србија и САД, истакна српскиот премиер.
Роберт Милер, од своја страна и се заблагодари на српската полиција и на другите служби за нивната помош во борбата против тероризмот.
– ФБИ повеќепати од српската полиција добиваше веродостојни информации за исламскиот екстремизам, особено по нападот врз американската амбасада во Сараево, рече Милер.
Постигнати беа и договори за продолжување на обуката на српски полицајци во академијата на ФБИ, за преминување на специјални антитерористички курсеви, за обука за програми за спасување и ослободување заложници.