Федерацијата Босна и Херцеговина е исчистена од Срби. Според пописот на населението од 1991 година, на просторите на БИХ живееле околу 600.000 Срби, а сега според проценките ги има околу 50.000, а од предвоените 160.000 Срби во Сараево, останале се на се 10.000, објавува „Новости“.
Тоа се податоците на Демократската иницијатива на сараевските Срби, добини по анализата на податоците од пописот кој се спроведуваше во текот на октомври во БИХ.
„Федерацијата БИХ етнички е исчистена од Србите. Сараево е најдрастичен пример на нивниот прогон кои и понатаму го напуштаа овој град, затоа што не можат да се вработат и не можат да ги остварат останатите животни права,“ за белградски „Новини“, изјавил Јово Јаниќ, претседател на Демократската иницијатива на сараевските Срби.
Според него има училишта во БИХ каде нема ниту еден српски ученик, а Србите во администрацијата се многу малку застапени.
Претседателот на Република Српска Милорад Додиќ рекол дека дошло до драматичен пад на бројот на Србите што зборува за „чесноста“ и намерите на бошњачката политика. Според него ситуацијата е драматична.