Роџер Федерер открива ситни пикантерии и рутини од кариерата, но и за тоа каде се гледа по тениското пензионирање. Швајцарскиот тениски маестро во разговор за „Венити Фер“ изнесе и гастрономски навики од кои долги години не се откажува.
„Сакам италијански, индиски и јапонски ресторани, а преку зима обожувам фонди, т.е., топено сирење и рацлет што е едно од најпознатите швајцарски јадења. Два часа пред секој меч јадам чинија со тестенини и ова не го говорам бидејќи сега сум дел од кампања за паста. Тоа го правам веќе 20 години“, порача Швајцарецот и нагласи дека таквата навика што ја има е причина да почне со промоција на тестенини.
Освојувањето на турнирот во Ротердам значење и негово враќање на лидерската позиција на АТП листата. Го потисна Рафаел Надал и притоа не пропушти прилика да истакне дека безрезервно го сака спортот со кој се занимава во што и лежи неговата најголема мотивација.
„Не сакам да ме паметат само како најдобар тенисер на сите времиња или како еден од најдобрите или поради победите. Се надевам дека луѓето во иднина во мене ќе гледаат и како амбасадор на тенисот, на мојата земја, на моето семејство. Сакам да работам на развој на спортскиот дух и на места каде тенисот не е развиен и дотолку популарен“, заклучи Федерер кој кога би можел да влезе во временска машина би сакал да игра против Бјерн Борг.
Федерер лани имаше фантастична сезона, а во ист стил ја почна и оваа. Според квалитетот на партиите што ги прикажува, се чини, дека не се наѕира крај иако има 36 години. Но, еден ден, сепак, е свесен дека ќе дојде, а по него посакува да остане во сферата во која ја стекна сета слава.