На денешното второ обраќање «Урби ет Орби» на Папата Франциск, кој неодамна наполни 78 години, дојде до инцидент со една млада жена од групата Фемен.
Во својата божиќна порака до 100.000 верници собрани на плоштадот Свети Петар во Ватикан, тој испрати силна порака за «бруталната репресија» на џихадистите во Ирак, Сирија и на други места на светот како Нигерија и Пакистан а Папата исто така зборуваше да експлоатираните деца кои се жртви, опкружени со «голема индиферентност».
Во текот на полноќната миса за Божиќ Франциск побара од католиците «со нежност» да реагираат на конфликтите. «На светот му е потребна нежност!», извика аргентинскиот водач на католичката црква.
По ова, една милитантка на групата Фемен денес на плоштадот Свети Петар во Ватикан ги покажа своите голи гради на кои пишуваше «Господ е жена» на англиски и ја зеде во раце статуетката на детето Исус, јавува агенцијата АФП.
Во толпата на плоштадот во Ватикан, веднаш по божиќното традиционално обраќање на Папата Франциск «Урби ет Орби», една млада плава жена одеднаш ја соблече својата маица, скокна преку безбедносната ограда и отрча до божиќната сцена од каде што ја зеде статуетката на Исус.
Потоа еден од припадниците на ватиканското обезбедување ја фати, ја зеде статуетката во сцена која, според очевидците, била траги-комично театрална. Потоа девојата се облекла и била однесена вон од плоштадот.
Ова не е прв пат групата Фемен да прави вакви инциденти на плоштадот Свети Петар.
Групата е родена во Украина кога со голи гради му се спротивстави на режимот близок до Кремлин, на претседателот Путин и на православната црква. Потоа ваквите инциденти почнаа да се шират и во Европа против католичката црква која според нив е ретроградна за правата на жените.
Во Стразбург пред два и пол месеци една членка на Фемен застана на олтарот на катедралата со голи гради за да протестира против политичкиот карактер на посетата на Папата на европските институции.
Фемен најчесто протестира против црквата која е противник на абортусот и на слободната заедница. Протестите се случуваат во места кои се симболични во очите на верниците.