Конзервативната партија Фидеш на Виктор Орбан го доби изборите во Унгарија, јавуваат унгарските агенции повикувајќи се на анкетите направени на излегување од изборните места.
Овие резултати се уште не дозволуваат да се тврди дали Фидеш ќе има двотретинско мнозинство во Парламентот но се чини дека партијата однесе победа. Според кредибилниот институт Незопонт Фидеш добил 48 отсто гласови додека коалицијата на левите партии освоила 27 проценти. Екстремната десница Јобил освоила 18 отсто гласови. Еколошката партија ЛМП успеала да освои 6 отсто со кои ќе остане во Парламентот.
Во 2010 година Фидеш освои 52,7 отсто гласови.
Денес на избори беа повикани 8,2 милиони избирачи кои гласаа за 199 пратеника во избори во еден круг. Првите делумни резултати се очекуваат подоцна вечерва кога че биде објавена и нивната распределба во Парламентот.