Еврокомесарот за проширување на ЕУ, Штефан Филе денеска ќе пристигне во дводневна официјална посета на Сараево по неколкудневните социјални немири во земјата.
Тој изјави дека со голема загриженост ги следни најновите настани во земјата и истакна дека не е време за конфротација меѓу политичките лидери во БиХ.
Делегацијата на ЕУ во земјата соопшти дека и високиот претставник на ЕУ за надворешна политика и безбедност Кетрин Ештон се очекува да го посети Сараево при крајот на наредната недела.
Досегашните протести низ повеќе градови во БиХ резултираа со оставка на премиери на четири кантони и над 40 министри.
Протестите се одржуваат со барање за смена на власта на сите нивоа, но и за укинување на привилегиите на политичарите.