Комесарот за проширување Штефан Филе во ексклузивно интервју за НОВА, прво по изборите, потврдува дека нема засега да ја посети Македонија но открива дека своите пораки му ги пренел на премиерот Груевски лично а и преку средбата со претседателот Иванов на 15 мај.
Во разговорот со НОВА Филе подвлекува дека ја дели оценката на ОБСЕ-ОДИХР за изборите: “Се согласувам со нив и околу проблемите за неврамнотеженото покривање на медиумите и недостигот на сепарација помеѓу државата и партиските активности”, вели Филе и додава дека на ова поле сака да види резултати.
Комесарот очекува конструктивен политички дијалог помеѓу владата и опозицијата.
Актуелната загриженост на комесарот за Македонија “се однесува на ризикот за враќање назад во многу области во кои порано имаше напредок.
На пример, како да се подобрат слободата на медиумите и културата на медиумите, како да се обезбеди судска независност и квалитет на судството какво што граѓаните очекуваат дека треба да им се обезбеди и како да се има конструктивна политичка атмосфера. Сето ова му го објаснив на премиерот и очекувам да видам напредок”, вели комесарот.
Интегралното интервју ќе го објавиме подоцна во текот на денот.