Министерот за здравство Венко Филипче денеска одржа состанок со претседателот на Лекарската комора Калина Гривчева Старделова и со претседателот на Здружението на приватните лекари, Лилија Чолакова Дервишова, како и со координаторите на региони на здружението од градовите низ целата држава.
На средбата, соопшти Министерството за здравство, се дискутираа повеќе различни прашања со цел подобрување на работата на матичните лекари, зголемување на функционалноста и унапредување на условите за работа на матичните лекари.
Целта е преку размена на информации да се придонесе кон реализација на квалитетни решенија. Во периодот што следува ќе се преземат потребните активности за приближување на услугата на матичните лекари према пациентите во руралните средини со што ќе се обезбеди пристап кон квалитетна здравствената заштита за сите граѓани, стои во соопштението.