Триесет и шест годишнен албански државјанин успеал „на филмски начин“ да побегне од италијанскиот затвор „Паглиарели“ во Палермо.
Според полицијата Валентин Фокај ги пресекол железните шипки од прозорецот на ќелијата и се спуштил на земја со чаршаф.
Бил осуден на доживотен затвор за убиство на свој сонародник, како и за разбојништа и други тешки кривични дела и во затворот во Палермо беше однесен во март. Ова не е негово прво бегство од затвор.
Претходно во февруари 2013 година успеал да побегне од затворот во Парма, по по еден месец беше уапсен во Милано. Затворот „Паглиарели“ е со капацитет од 1.200 затвореници.
Инаку во италијанските затвори казна издржуваат над 67 илјади лица или 22 илјади повеќе од затворските капацитети, а од вкупниот број дури 24.401 лице или 36,1 отсто се странски државјани. Затворениците-странци главно се државјани на Мароко, Романија, Тунис, Албанија и Нигерија. Албанските затвореници се на четврто место, односно нив ги има над 2.700 или 11 отсто од странците. `a