Луис Хамилтон израмни рекорд на својот идол Аиртон Сена. Британецот имаше најдобро време во квалификациите за ГН на Канада и по 65 пат во кариерата ќе тргне од пол-позиција во трка во Формула 1 првенството. Најбрзиот круг на патеката во Монтреал го извозе за 1:11,459 минути или за 0,330 секунди побрзо од Себастијан Фетел, а по тренингот доби кацига на починатиот шампион од семејството на Сена.
Од вториот ред ќе тргнат Валтери Ботас (1:12,177 минути) и Кими Раиконен (1:12, 252 минути), третиот го резервираа пилотите на Ред Бул, Макс Ферстапен (1:12,403 минути) и Даниел Рикардо (1:12,557 минути). Меѓу најдобрите десет резултати во квалификациите и на Фелипе Маса од Вилијамс (1:12,858 минути), Серхио Перез (1:13,018 минути), неговиот клупскки колега од Форс Индија, Естебан Окон (1:13,135 минути) и Нико Хулкенберг (1:13,271 минути).
Трката за ГН на Канада се вози вечерва со почеток во 20 часот.