Со цел да се одбележи 22 јули како ден посветен на жртвите на дела од омраза – акција на Советот на Европа, оваа недела (20 јули) беше организиран настан во Градскиот парк насловен ,,Турлитава‘‘.
Идејата со која се организираше настанот е надминување на меѓусебното непознавање на различните етнички групи во нашата држава, како најчеста причина за создавање конфликтни ситуации, односно ситуации кои водат кон дела од омраза.
Комитетот смета дека ваквите настани треба да се негуваат особено културата на различните етнички групи кои што живеат во Република Македонија и дека тие настани ќе придонесат за развивање на толеранцијата и взаемното почитување како и намалување на насилството мотивирано од омраза.
Настанот беше организиран од страна на Хелсиншкиот комитет за човекови права на РМ/ЛГБТИ Центарот за поддршка во соработка со ,,Цивил‘‘, ,,МОФ‘‘ и ,,Амбрела“ и наиде на добра поддршка од јавноста. Граѓаните можеа да пробаат вкусни јадења речиси од сите кујни на етничките заедници во Република Македонија, а фотографиите во галеријата ќе ви дадат подобра слика за тоа какви специјалитети беа презентирани‘.
