Од Австралија, Азија и делови во САД и Источна Европа синоќа можеше да се види феноменот познат како Супер сина крвава месечина, или видливо затемнување на Месечината, астрономска појава кога Земјата минува меѓу Сонцето и Месечината.
Затемнувањето на Месечината почна во 10:51 и заврши во 16:08 часот според средно време по гринич.
Овој термин е составен врз основа на повеќе појави – кога Месечината ќе се најде најблиску до Земјата се нарекува супер Месечина, а кога таа ќе биде полна два пати во еден месец е сина Месечина. Во случај кога има затемнување на Месечината таа се нарекува и крвава, за да се опише јаката црвена боја на сончевата светлина која ја осветлува.
Оваа појава е ретка, бидејќи во просек еднаш годишно има затемнување на Месечината, а вакви две појави да се поклопат е ретко.
Тоа последен пат се случило на 30 декември 1982 година и тогаш било видливо во Европа, Африка и западна Азија.
Според други податоци, кои можат да се најдат , ваквата појава на порамнување последен пат се случила пред 150 години. Следното според предвидувањата би било во 20137 година.
Затемнувањето на Месечината овој пат за жал не било видливо од Македонија.
