Фотографијата на 5-годишниот Омран Дакнеш, целиот во прав и со крвави алишта како седи на задното седиште на амбулантно возило по воздушниот напад во Алепо стана синоним за очајот на граѓанската војна во Сирија и борбата за преземање на контролата врз овој град.
Момчето е еден од преживеаните од населбата Катерџи.
На оваа вознемирувачка фотографија момчето е од глава до петици е прекриено со прав, изгледа изгубено и едвај свесно за ситуацијата, со отворена рана на челото. За среќа, момчето имало само полесни повреди, и кратко по болничката интервенција е пуштено дома.
Спасувачките тимови и новинарите во Катерџи пристигнале кусо по нападот и започнале со извлекување на жртвите од под урнатините.
– Одевме од тераса на тераса, вели Махмуд Раслан фоторепортерот кој го сликал момчето. Тој вели дека поминал покрај три тела пред да го пронајде повредениот Омран.
Петгодишното момче е спасено заедно со трите негови браќа и сестри и неговите родители. Единствено нешто што загуби ова семејство е нивниот дом, што бил во станбена зграда која се урнала веднаш по нивното спасување.
Фотографијата веднаш беше споделувана преку социјалните мрежи. Тоа го направи и поранешниот министер за надворешни работи на Британија Дејвид Милибанд, сега претседател на Мешународниот комитет за спасување. Само твитот со фотографијата што го објави британски Телеграф достигнал 12.000 споделувања.