Девојче на возраст од околу две години откако е родено живеело во багажникот на еден автомобил. Нејзината мајка ја криела во автомобилот речиси две години, се додека пред некој ден не ја откриле автомеханичарите. Случајот ја шокираше цела Франција, а мајката го чека почетокот на судскиот процес.
Автомеханичарите во моментот додека го поправале автомобилот слушнале чудни звуци, а кога го отвориле виделе страшен призор – девојчето било видно дехидрирано и лежело во сопствениот измет. Тие ја повикале Брзата помош по што детето било префрлено во болница.
Мајката пред обвинителот рекла дека морала да го крие бебето, од нејзиниот сопруг, невработен градежен рабоник. Тврди дека сама во автомобилот го родила бебето, кое нема ниту матичен број, ниту име.
Лекарите претпоставуваат дека девојчето е на возраст од 15 и 23 месеци, и не е во состојба да каже ниту збор.
Брачниот пар е обвинет за злоставување на дете, а социјалните служби им ги одзеле трите деца кои живееле со нив. Ако бидат прогласени за виновни ќе се соочат со казна затвор од 10 години.