Во пресрет на Светскиот ден на слободата на печатот – 3.мај, Мохамед Фахми, еден од четворицата новинари на Ал Џезира кои се наоѓаат во затворите на Египет, ја доби наградата „Фридом Прес“ која ја доделува Комитетот за заштите на новинарите.
Фахми и двајца негови колеги веќе утре се соочуваат со обвиненијата во еден од египетските судови.
Питер Грест, Мохамед Фахми и Бахр Мохамед се во затвор 125 дена.
Тие се обвинети за заговор против египетската влада, односно дека работеле за Муслиманското братство која неодамна беше прогласена за терористичка организација.
Абдула Елшами, новинар на Ал Џезира Арабик, е во затвор од минатиот август и оттогаш штрајкува со глад.
Ал Џезира ги отфрли сите обвиненија.
Генералниот секретар на ОН, Бан Ки-мун во четвртокот изрази загриженост за состојбата со новинарите, на неговата средба со египетскиот министер за надворешни работи Набил Фахми.