„Овој извештај за напредок е наш придонес како да се победи уморот од проширувањето (во земјите членки), но и уморот од реформите (кај земјите кандидати)”, вели комесарот за проширување, Штефан Филе во видео пораката испратена денеска, на два дена пред објавувањето на извештаите за напредок на земјите кандидати и аспиранти на нивниот пат кон ЕУ.
За Филе ова е последниот извештај бидејќи тој ја напушта оваа позиција која од 1 ноември за презема Австриецот Јоханес Хан. Во видео пораката Филе вели дека властите во земјите кандидати треба да се ангажираат за да можат жителите на овие земји да почувствуваат корист од процесот на проширувањето.
„Проширувањето е политички проект. Тоа не функционира како автопилот. Земјите членки и нивните граѓани треба да знааат дека ова е релевантна политика и и дозволува на ЕУ да оди во подлабока интергација”, вели Филе и очекува дека земјите членки ќе понудат одговорност за оваа политика.
Но и кандидатите и аспирантните исто така.
„Овој извештај е наш придонес како да се победи уморот од проширувањето но и уморот од реформите. За како да се ангажираат властите за да се биде сигурен дека жителите на овие земји ќе почувствуваат корист од проширувањето”, вели Филе.
За Филе овие изминати пет години во текот на кои тој го водеше ресорот „беа важни за кредибилноста на проширувањето”. “Следните пет ке бидат важни за да се задржи релевантноста на проширувањето. Тоа повеќе од кога и да е ќе биде предмет на пресии”, вели Филе на крајот заблагодарувајќи се вниманието во изминатиот период.