На вчерашните протести пред општина Центар камерите забележаа човек кој од демонстрaните беше пречекан со чест, голем поздрав и прегрнување, а во неговата позадина стоеше и еден полицаец.
Облечен во бела кошула и темни наочари, проќелав и доста крупен во придружба на уште неколкумина тој дојде да им се придружи на демонстрантите кои се преставуваа како граѓани на општина Центар кои дошле да протестираат за да ја спасат црквата „Св.Константи и Елена“од наводното рушење.
Загрижениот граѓанинот од општина Центар е Боби Бојчевски, Советник за финасии во Здравствениот дом Скопје и претседател на Општинскиот комитет на ВМРО ДПМНЕ во општина Бутел.
Како претседател на ЦК на партијата за Бутел, Бојчевски е и член на Централниот комитет на ВМРО- ДПМНЕ кој е највисок одлучувачки орган на владеачката партија. Тој беше и во игра за градоначалник на општина Бутел на локалните избори годинава.
На неговите фотографии на Фејсбук профилот може да се забележи како стои меѓу кандидатите за градоначалници на ВМРО- ДПМНЕ кои ги промовира премиерот Груевски. И на останатите фотографии Бојчевски може да се забележи дека секогаш е во непосредна близина на премиерот.
Во Здравствениот дом –Скопје секогаш е во менаџерскиот тим и иако години наназад се водеа полемики за степенот на неговото образование , тој повторно успеа да заземе раководно место и да менаџира со финансиите на најголемата амбулантско – поликлиничка здравствена установа во државата.