„Животното искуство и мудроста стекната низ него нè учи да одговориме на сè, на нападите особено, но Христос нè учи да простиме, да го завртиме и другиот образ.
– Како човек да се именува Христијанин, ако не постапи согласно зборовите Христови?
Порадо би останал со Христа, отколку со некоја замислена победа. Еве, ја препуштам истата на оние кои уживаат во неа!“, ова е постот кој попладнево владиката Пимен го постави на Фејсбук страната на Европската Епархија.
>>Премиерот за владиката Пимен: Насобрана е некоја фрустрација
Ова е прва реакција на европскиот митрополите откако вчера, премиерот Груевски го нарече непринципиелен и неискрен човек.
Пораката на владиката Пимен, веднаш предизвика реакции со поддршка и одобрување, како овие:
„ И, затоа, уште повеќе верувам во човекот и во Бога. Браво, јас сум секогаш со Вас.“
„Вашата духовна величина е Божјо вдахновение за секој верник отец Пимен.“