Да се преиспита одлуката за изградба на монтажна катна гаража до Клиниката за гинекологија и официјално од министерот Филипче побарал менаџментот на оваа клиника. Во писмото тие го потсетуваат министерот дека уште во март побарале тој простор кој е во непосредна близина до неонаталната интензивна нега, да се санира и облагороди со зеленило кое ќе биде од корист и за пациентите и вработените.
Секако, најмногу за недоносените новороденчиња под чии прозори треба да никне катна гаража иако од таа страна се машините за внесување на воздух за вентилација на интензивна нега, операционите сали и на целата клиника.
„За таа цел предложивме половина од површината на дупката од околу 2800 метри која во меѓувреме се тампонираше, да се уреди со хортикултурно зеленило во вид на мини парк и да преставува „тампон зона“ меѓу гаражата и одделот на предвремено родените бебиња“, се вели во писмото до Филипче.
Раководството на ГАК, му предочува на Филипче дека од неодамна од кога почнале подготовките за поставување на катна гаража, за која министерот најави дека е времено решение за да се намали хаосот со возила, на Гинекологија се загрижени и сметаат дека заеднички треба да се обидат да го решат овој проблем во прилог на безбедноста на најмалите пациенти.
„Површината која би преставувала парк воедно ќе биде„тампон зона 3, меѓу површината која може да се намени за нешто друго, кое ќе ја нарушува целата околина по должина на Гинекологија, во распон од почеток до крајот на целото одделение за интензивна нега на предвреме родените бебиња кои мораат да бидат заштитени од секаков вид на дразби како што се звучни, вибрации на од возила или градежни како и загаденост од издуваните гасови доколку би се поставил паркинг простор, односно гаража до нив“, го потсетува раководството на ГАК, министерот Филипче, на она што му образложиле во претходното писмо од 23.03.2018 година.
Меѓу вработените на ГАК се повеќе се заговара идејата катна гаража да се постави на просторот каде што се струденските бараки кои сега се празни и во нив живеат бездомници, отколку на влезот на Клиничкиот центар каде штое најгоелмата гужва и каде се од една страна е интензивната нега на новороденчињата, а од другата хирургија.
Минатата недела министерот Филипче за НОВА изјави дека се планирани две катни гаражи едната до ГАК, а другата до Инфективна клиника. Тој најави дека ќе се прави елаборат со кој треба да се осмисли како да се заштити клиниката од бучавата и издувните гасови од возилата.
„Ќе водиме сметка за сите овие работи, внимателно ќе се изработи елаборатот“, изјави тогаш Филипче, за НОВА.
Дека бучавата и издуваните гасови можат да бидат катастрофални по здравјето и опстанокот на предвреме родените бебиња во ПРОЦЕС укажа и еминентната докторка од Белград, Снежана Рсовац која на клиниката престојува за да работи на решавање на намалување на смртноста на недоносените бебиња. По продолжение погледнете што за ова кажа др. Рсовац.