„И во војната мора да има место за пријатни емоции“.
Со ваква порака, тимовите на Главната дирекција на Државната служба за итни случаи на Украина во Харковската област им го честитаа Денот на жената 8-март на жените и децата кои се кријат во скривница во градот Харков.
„Во мирно време, денешниот ден носи нежност и убавина во светот, бидејќи најскапоценото нешто во нашите животи е среќата, радоста, надежта и љубовта поврзана со жената. Не заборавајте го тоа“, напишаа на официјалната Фејсбук страница, од Државната служба за итни случаи на Харковската област.
Жените спасувачи, бабите и мајките со деца, кои се кријат од непријателските гранатирања во безбедносен објект, денеска добија цвеќиња од началникот на гарнизонот Харков, Александар Волобујев, кој им посака добро здравје, среќа, а пред се мир.
Инаку, спасувачите од Харковскиот гарнизон утрово го минале во гаснење на пожари во неколку станбени згради, по синоќешното гранатирање на градот Харков.
Покрај Противпожарната во гаснењето на пожарот учествувале и 25 спасувачи. Во меѓувреме, четири тела на загинати лица биле извадени од под урнатините.
(Б.Б.)