Соборувањето на патничкиот авион на летот МХ17 во источна Украина според гледиштето на Германската тајна служба (БНД) било предизвикано од ракета, која ја истрелале проруските сепаратисти, пренесува Дојче веле. Како што известува неделникот „Дер Шпигел“ во своето најново издание, претседателот на БНД Герхард Шиндлер тоа го појаснил пред членовите на парламентарниот контролен гремиум во Бундестагот. Тој таму презентирал докази, меѓу кои и анализа на сателитските снимки и различни фотографии.
Според нив, проруските сепаратисти заплениле руски систем за воздушна одбрана од една украинска база и со него на 17. јули ја истрелале ракетата, која експлодирала директно покрај малезискиот авион. Во авионот се превезуваа 298 патници и членови на екипажот и сите го загубија животот. Патничкиот авион на „Малезија еирлајнс“ на 17. јули полета од Амстердам кон Куала Лумпур. Непосредно по трагедијата постоеја претпоставки дека авионот го собориле проруските милиции. Оттогаш руската и украинската влада се обвинуват меѓусебе дека го предизвикале соборувањето на авионот.
Целата сторија прочитајте на Share.