Светскиот бр. 2 во тенис Новак Ѓоковиќ анти-допинг процедурите во тенисот ги дефинираше како “смешни” по третманот на неговиот близок пријател Виктор Троицки, јавува Си-Ен-Ен.
Троицки, поранешен топ-20 играч, првично беше осуден на 18-месечна забрана затоа што одби да направи тест за допинг во април во Монте Карло Мастерс, кој беше намален на 12 месеци во вторникот, по жалба до Арбитражниот суд за спорт (ЦАС).
Србинот изјави дека му била дадена дозвола да го пропушти тестот поради болест и фактот дека има фобија од игли.
Неговиот сонародник Ѓоковиќ ја искористи прес-конференцијата после синоќешниот натпревар со три-сета во кој го победи Роџер Федерер на АТП светското финале во Лондон, за да го брани Троицки и да изврши напад врз различни раководни тела на спортот.