Повеќе стотици приговори за нерегуларноста во изборниот процес пристигнале до архивата на ДИК, соопшти вечерва претседателот Борис Кондарко. Вечерва до 19 часот истече законскиот рок за поднесување приговори за повреди за повреда за постапката за гласање.
Гласањето е завршено во 51 општина во првиот круг од локалните избори, а втор круг на гласање ќе има во 29 општини и во Скопје.
Советничките мандати се објавени за сите 80 општини,а за Скопје ќе бидат соопштени утре најави Кондарко.
Сите објавени резултати, се врз основа на записниците од Општинските изборни комисии и се првични и неофицијални. Конечните резулатати се очекува да бидат обајвени во текот на утрешниот ден.
На новинарско прашање зошто долго се чекаше на резулатите во општина Центар, претседателот на ДИК одговори дека Општинската изборна комисија во 6 избирачки места правела дополнителни проверки во записниците на Избирачките одбори.