НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025

Интервју со Мирче Јовановски: Последиците од царините на САД – губење работни места и странски инвестиции и намален извоз

April 3, 2025

Интервју со пратеничката на СДСМ Славјанка Петровска: Ни треба повеќе храброст но не во ветувањата туку во исполнувањата

March 25, 2025

Subscribe to Updates

Get the latest creative news from FooBar about art, design and business.

НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Година дена Влада на Мицкоски: Европската интеграција во ќорсокак – уставните измени во застој, економски раст на хартија, инфлација на терен

0
By Marija Todorovska on June 24, 2025 ТЕМА
СПОДЕЛИ
Facebook Twitter LinkedIn Email

Владата на Мицкоски и нејзините сојузници ја поминаа првата година меѓу оптимистички слогани и предизвикувачка реалност. Бројките и јавниот перцепција не одат секогаш паралелно. Претендираниот економски раст не ја покрива сиромаштијата, нееднаквоста и фрустрацијата на ниските слоеви.

Детсан Јонузи

Пред една година, со реторика полна со надеж и силни слогани како „Доаѓа времето на Македонија“, Христијан Мицкоски и владината коалиција составена од ВМРО-ДПМНЕ, ВЛЕН и Движењето ЗНАМ ја презедоа власта со ветување за „национално будење“. Но, 12 месеци подоцна изборниот ентузијазам е заменет со сурова социо-економска реалност и длабоки политички и етнички судири.

Економијата меѓу „балкански тигар“ и растечка сиромаштија

Владата објавува економски раст и успеси во странски инвестиции, споменувајќи четврто место во Европа според растот на БДП. Премиерот Мицкоски ја нарекува македонската економија „балкански тигар“, потенцирајќи зголемување на пензиите, нови вработувања и трговска либерализација со САД.

Но, реалноста е посложена: минималната потрошувачка кошница за четиричлено семејство надминува 62 илјади денари, додека две минимални плати не се доволни за опстанок. Инфлацијата и понатаму ја јаде куповната моќ, а барањата за минимална плата од 500 евра остануваат неисполнети.

Според организации како Finance Think и CUP, исполнети се само 9% од социо-економските ветувања. Од 139 ветувања во пет клучни области, целосно се реализирани само 18. Ветувањата, очигледно, останаа во кампањата.

Евроинтеграциите и политичките пречки

Друга битка што беше најавена, но сè уште не е добиена, е патот кон ЕУ. Започнати се дигитализацијата и усогласувањето со европските политики, но отсуството на консензус за уставните измени – особено за вклучување на бугарската заедница во Преамбулата на Уставот – останува главна пречка. Прашањето е одложено по локалните избори, што може да значи понатамошно влечкање на патот кон ЕУ.

Политичкиот дискурс: конфликти во и надвор од мнозинството

Првата година од владата беше одбележана со свечен настан каде Мицкоски изјави дека „се градат темелите на иднината“, но опозицијата одговара со сосема спротивни тонови. Претседателот на СДСМ, Венко Филипче, изјави дека земјата е економски „понижена“, а граѓаните разочарани.

Од друга страна, Европскиот фронт ја обвинува ВЛЕН за губење на легитимитетот на Албанците на власт, деградација на албанскиот јазик и селективни вработувања во администрацијата. Според пратеникот Блерим Беџети, 78 институции одбиваат да го спроведат законот за употреба на албанскиот јазик, а нацрт-законот за правична застапеност „е заглавен во лавиринтите“.

Наспроти тоа, ВЛЕН и пратеникот Беким Ќоку ги бранат нивните постигнувања, споменувајќи над 800 унапредувања на Албанци во администрацијата и голема разлика во однос на претходната власт. Тие тврдат дека имаат целосен легитимитет во застапувањето на Албанците и се стремат кон победа на локалните избори.

Арбен Таравари: Од партнер до најостар критичар

Посебно разочарување доаѓа од поранешниот коалициски сојузник, лидерот на Алијансата за Албанците, Арбен Таравари, кој изјави: „ВЛЕН, од еден прекрасен проект, се претвори во неуспешен. Промената не се случи“.

Неговите зборови ја отсликуваат длабоката поделеност во албанските структури на мнозинството, но и повик за обединување на опозицискиот спектар за претстојните избори.

Владата на Мицкоски и нејзините сојузници ја поминаа првата година меѓу оптимистички слогани и предизвикувачка реалност. Бројките и јавниот перцепција не одат секогаш паралелно. Претендираниот економски раст не ја покрива сиромаштијата, нееднаквоста и фрустрацијата на ниските слоеви. Патот кон ЕУ останува нејасен, односите меѓу владините партнери се кревки, а застапеноста на Албанците останува жешка полемичка точка.

Текстот е сопственост на Фронтлајн

Влада Дестан Јонузи Мицкоски
Share. Facebook Twitter LinkedIn Email
ТИКЕР

Потврдена е првостепената пресуда против претседателот на Република Српска

August 1, 2025

Германија ќе испорача два системи „Патриот“ на Украина како дел од договорот со САД

August 1, 2025

Протест во Шабац против рудникот за литиум

August 1, 2025

Екс премиерот на Хрватска Санадер пуштен на условна слобода

July 31, 2025

Иран: САД мора да ни ја надомести штетата пред новите преговори

July 31, 2025
ФОКУС

Честитки од државниот за Илинден

ВЕСТИ August 2, 2025

Претседателката Гордана Сиљановска-Давкова по повод 2 Август, Илинден – Денот на Републиката, упати честитка до…

Одбележување на Илинден во Крушево, Пелинце и Скопје

August 2, 2025

Кијив: Ден на жалост по смртоносниот напад во кој загинаа најмалку 28 лица

August 1, 2025

Трамп ја намали царината за Македонија на 15 %

August 1, 2025

Претплати се на е-билтенот на НоваТВ

Добиј ги последните вести на твојата е-адреса.

CIVICA
Facebook
  • Редакција
  • Маркетинг
  • Политика на приватност
© 2025 НОВА ТВ

Type above and press Enter to search. Press Esc to cancel.