Помина една година откако Колорадо стана првата држава во Соединетите Американски Држави, која ја легализираше марихуаната, а нејзиниот импакт врз здравјето, криминалот, вработеноста може прецизно да се измери.
Јасно е дека легализацијата на марихуаната не донесе апокалипса на улиците, како што предвидуваа некои Републиканци, пишува британски „Индепендент“.
Не само што легализацијата на канабисот не донесе зголемување на криминалот, туку истата креираше илјадници нови работни места, бидејќи туристите ги преплавија продажните места, кои ги има над 60 во државата.
– Не падна небото? прашува новинар, а полицаецот одговара „Не, не падна“, пренесува CBS како метафора после легализацијата на марихуаната.
Државата собра 60 милиони долари даночни приходи од продажбата на дрога, од кои 4 милиони долари се вратени на градот за нови програми донесени од страна на градоначалникот (кој и понатаму е против легализација).
Потегот без преседан на Колорадо доведе да Вашингтон, Аљаска и Орегон гласаат за легализација, а оваа недела беше поднесен закон за легализација во Њујорк.
Од типот на прекршоци кои се случувале во Денвер: неправилното возење, криминали поврзани со личен имот, и насилството, пред легализацијата сите биле во опаѓање, а истиот тренд и по легализацијата продолжил.
Дури и употребата на дрога помеѓу младите луѓе се намалува во Колорадо.