Миленко Неделковски испровоциран од стусот на Фејсбук на Лени Фрчкоска: “Владата на Македонија организира пречек на осуден воен злосторник” (11 април 2013), возвратил со следново: “Tатко ти е воен злосторник и национален предавник”.
ТВ водителот не запрел тука, подолу погледнете ги копиите од неговите постови на социјалната мрежа Фејсбук. Како резултат на неговите постови, следуваше голем број на коментари со говор на омраза.
НОВА стапи во контакт со новинарката Лени Фрчкоска која изјави дека “не е потресена, но е тажна”, како што вели од тоа „што нашата демократија вака се руши. Факт е дека станува збор за лице осудено за убиство на невооружени цивили, меѓу кои и деца, и тоа никогаш не може да го направи и мој херој (Јохан Тарчуловски).
Таа смета дека во истовремено е „срам тој да се поистоверува со безбедносните сили кога неговата единствена акција е убиство на цивили што беше потврдено и во текст во Вашингтон пост“.
Фрчкоска е изненадена од губењето на чувство за правда.
„Дека црното може да стане бело кога е наше. Тоа никако нема да го прифатам! Инаку во однос на коментарите на мојот статус на фејсбук. Имаше закани со насилство, говор на омраза, но тоа им личи на извесни познатите ликови на оваа етно-националистичка штала“ вели Лени Фрчкоска во изјава за НОВА.
