Плоштад Слобода објави отворен повик за учество во работилница за деца посветена на модернистичката архитектура на Скопје, а поддржана од програмата за култура на Град Скопје.
-Учеството во предвидените работни сесии ќе им помогне на децата да ги подобрат своите аналитички и уметнички вештини, да споделат меѓусебно знаење и да стекнат афирмација на своето индивидуално и колективно уметничко изразување, односно да стекнат доверба во себе и во своето лично творештво. Со учество во овој проект, децата вклучени во истиот ќе ја разберат важноста на посветеноста и можноста таа да биде забавна и исполнителна, се вели во соопштението од Плоштад Слобода.
На работилницата можат да учествуваат деца од 8 до 12 години, а работните сесии ќе траат по три часа на 28 и 29 април и на 5 и 6 мај годинава, под раководство на Дивна Пенчиќ од Архитектонскиот факултет и Доротеј Нешовски, визуелен уметник етаблиран во соработка со деца на различни возрасти.
Предвидени се специјални прошетки и посети на различни локации низ Скопје (НУБ, ГТЦ, МСУ и други институции.
Работилницата же изобилува со креативна работа, неформална едукација, а ќе биде издадена и публикација каталогизирана и достапнА во НУБ Св. Климент Охридски.
Рокот за пријавување е до 25.04.2018год. до 16ч. на: plostad.sloboda.skopje@gmail.com или на 071 464 967 или 077 702 379.