Протестите во Босна и Херцеговина продолжуваат секој ден во 12 часот пред Претседателството. Граѓаните кои вчера се собраа на Пленумот му ги доставија своите уставни барања во пишана форма на Собранието на Кантонот Сараево (КС).
На Собранието му е даден рок од 72 часа за да се произнесат по барањата на Пленумот на граѓани.
Работните групи продолжуваат со своите активности, а следниот пленум е закажан за петок во 17.30 часот.
Ова се следниве барања:
– Воспоставување експертска влада во консултации со граѓаните
– Ревизија на платите и пензиите на функционерите на КС
– Укинување на белиот леб
– Укинување на додатните плати на застапниците на КС
– Платата да биде изедначена со две просечни плати во КС
– Редуцирање на возниот парк до 50%
Вчера беше одржан деветчасовниот состанок во Сараево меѓу седуммината босанскохерцеговски лидери со претставниците на ЕУ, на чело со еврокомесарот за проширување, Штефан Филе.
Позициите се исти, ништо не се променило, освен фактот што преговорите се одржуваат во момент на најголемата социјална криза и безредија во земјата во последните дваесет години.
Еврокомесарот Штефан Филе го одложи најавеното обраќање до јавноста.