Општинските службеници и полицајци во Грција денеска повторно почнуваат нов 24-часовен штрајк во знак на протест против отпуштањата во државниот сектор, што Владата ги договара со меѓународните кредитори во замена за нова транша од спасувачкиот пакет помош за земјата.
Синдикатот објави дека до крајот на јули ќе бидат отпуштени над 2.000 чувари во училиштата, а до крајот на септември откази ќе добијат 3.600 општински полицајци.
Она што особено ги загрижува е фактот што според условите на кредиторите, има планови општинската полиција да биде целосно укината како служба, со тоа што че бидат прераспределени или во општините или на други служби од Министерството за јавен ред.