Власта очекува и ВМРО ДПМНЕ да го поддржи новиот закон за ЈО со кој се предвидува СЈО да го користи бомбите како доказен материјал само за предметите за кои обвиненија се поднесени до 30 јуни 2017 година.
Генералниот секретар на ДУИ Артан Груби потврди дека верзијата на законот која поминала на Владата била усогласена и со ДУИ. Тој тврди дека владеењето на правото останува приоритет на неговата партија.
Со новиот закон, СЈО нема да може да ги користо бомбите за истрагите „Попис“ (за која е осомничен Али Ахмети), „Пациент“ (Бујар Османи), „Талир“ ( за раководството на ВМРО ДПМНЕ), „Подарок“ (за екс министерот за финансии Зоран Ставрески), „Моќник“ (во кое е осомничен Антонио Милошоски) и „Империја“, во кој осомничени се Сашо Мијалков, Орце Камчев, Цветан Панделески и други.