Премиерот Никола Груесвки на 22 годишнината од формирањето на Унијата на млади сили на ВМРО ДПМНЕ ги коментираше ставовите изнесени во јавноста за тоа дека тој не владее демократски.
Според него, се работи само за алиби на СДСМ за низата изборни порази.
Овие извитоперени и вештачки тези, рече Груевски, се дело на група лустрирани лица т.н. невладини и интернет портали финансирани од најразлични дискутабилни извори.
Премиерот се осврна и на владините реклами, кои како што рече, не биле со цел да ја прикажуваат состојбата во земјата поинаква од реалната, туку да ги информираат граѓаните за владините проекти.
Во Македонија не е розово, рече Груевски, земјата има многу проблеми и предизвици, но никогаш не сум ветил чуда, туку подобрувања само со макотрпна работа и реформи.
Во својот настап Груесвки ги коментираше Заев , Шеќеринска и Жерносвки.
„Оној првиот вели дека само еден ден во неделата ќе бил градоначалник, а дека другите денови друг ќе му ја води Општината. Тоа е исто како мене да ме изберат за премиер, а јас да работам само еден ден и потоа да кажам дека имам поважна работа“, рече Груевски за новиот лидер на СДСМ и потоа кажа дека и тој и неговата заменичка „си ги знае од порано“ и дека „тие му се стари муштерии“ кои по два пати губеле избори од него.
За градоначалникот на Центар, Андреј Жерновски, премиерот Груевски рече дека единственото нешто што го сторил е замената на една бандера која, во присуство на медиумите, долго ја разгледувал и размислувал како да ја отстрани, рече Груевски во говорот пред УМС на ВМРО ДПМНЕ.