На средбата помеѓу премиерот Груевски и претседателот на руската компанија Газпром, Алексеј Милер беше разговарано за понатамошната реализацијата на проектот Јужен Тек и конкретните чекори за негова операционализација, при што беше истакнато дека по ратификацијата на потпишаниот договор за вклучување на Република Македонија во Јужен Тек, ќе се премине кон формирање на мешовито претпријатие помеѓу двете страни согласно договорот кое ќе ги спроведе понатамошните чекори во реализација на плановите и проектот.
Како што е наведено во владиното соопштение на средбата било констатирано со изградбата на инфраструктурата за природен гас значително ќе се зголеми потрошувачката на природниот гас која е сега на пониско ниво, што ќе доведе до поголема потрошувачка на природниот гас и може да резултира со пониска цена на гасот.
Груевски очекува во скоро време да се склучи договор со руската компанија Стројтрансгас по што би се започнало со изградба на инфраструктурата за природен гас во внатрешноста на земјата и со што ќе се овозможи пристап до гас на многу компании и домаќинства во Република Македонија.
Претседателот на Газпром, Милер истакна дека Македонија е влезена во развојните планови на Газпром, при што беше истакнато дека Газпром покрај постоечките планови и проекти пројавува интерес во иднина да ја разгледа можноста и за други инвестиции во Република Македонија.