– Како што денеска во Ниш се слават 17 века од Миланскиот едикт, би сакал нашите две православни цркви да пристапат кон затворање на единственото отворено прашање помеѓу двете земји при што взаемните односи ќе послужат за пример во целиот регион, истакна денеска во Белград, премиерот Никола Груевски.
За спорот меѓу СПЦ и МПЦ, единственото отворено прашање меѓу Македонија и Србија, српскиот премиер Ивица Дачиќ рече дека двете држави треба заедно да работат.
Седницата на македонската и српската влада е резултат на договорот меѓу двајцата премиери Груевски и Дачиќ од средбата во јануари во Скопје, кога порачаа дека би била дополнителен импулс во развојот на односите меѓу Македонија и Србија.
Вакви иницијативи за заеднички владини седници Македонија има испратено и до властите во Бугарија, Албанија и Косово, на што, како што истакнуваат од Владата, има позитивни реакции, но се уште нема договорен термин.