Претседателот на ВМРО-ДПМНЕ и екс-премер Никола Груевски, по едночасовен распит во Кривичниот суд, изјави дека иако нема никаква вина,тој смета дека ќе бидеповикуван на распит во судот заради, како што рече апсурдни причини. Тој смета дека ќе треба да се правда, биедјќи некој има за ел народот да ја смени перцепцијата и да почне да верува во тоа дека Груевски и неговите соработници се слични на човекот кој даде изјави дека не ги признава судовите, алудирајќи на опозицискиот лидер Зоран Заев.
-Бев повикан во судот затоа што Катица Јанева изразила сомнеж дека ќе ја напуштам земјата. Не знам дали некој верува во тоа, но се гледа дека СЈО прави чекори кои се нарачани и најверојатно тоа го посакува нивниот нарачател кој во неколку наврати изјави дека не ги признава македонските судови. Веројатно тоа е негова желба, но тоа ниту ќе го сторам ниту е вистина, ниту ќе му ја исполнам неговата желба.. Свесен е за својот политички рејтинг, свесен е дека изборите наближуваат и преку контролата што ја има врз луѓето во СЈО се обидува да ги изрелативизира рабтоите и да се обиде преку вакви апсурдни покани во судот да и мене и моите соработници не прикаже слични како него, рече Груевски.
Според екс премиерот, изборите кои ќе се одржат кога и да бидат ќе бидат најјасен одговор за СДСМ. Она што го прави СЈО, според него е нешто од кое опозицијата ќе се срами во иднина.
По подолга изјава за медиумите, Груевски не сакаше да одговара на новинарски прашања и судот го напушти со зборовите „Брзам на настан, во друга прилика“.
Во моментов, во судот тече распитот и на градоначалникот на општина Гази Баба, Тони Трајковски.