Во Владата на Република Македонија попладнево се одржa средба меѓу премиерот Никола Груевски и Зоран Заев, новоизбраниот лидер на опозициската СДСМ.
На првата официјална средба Груевски – Заев бил направен исчекор во однос на формирање на комисијата што треба да ги расветли настаните од 24 декември, за која договориле да се формира во следните три, четири дена.
„Го отворив прашањето за Комисијата за настаните од 24 декември и со премиерот договоривме да искомуницираме директно во наредниот период или преку нашите претставници за конечно да биде постигнат договор за оваа комисија“, изјави Заев.
„Овој исчекор за нас е многу значаен заради тоа што опозициските пратеници и новинарите беа избркани од собранието. Оваа Комисија има улога пред се, за внатре во земјата, иако е еден од условите за нашите евроатлански аспирации”, рече Заев, кој очекува што е можно поскоро таа да излезе со заклучоци за да се затвори тој „црн понеделник“.
Лидерот на СДСМ без информација за кои други прашања било разговарано, дали воопшто било разговарано за прашањето за името и за други национални прашање.
Рече дека е среќен што се остварила ваква средба и дека се надева оти во иднина тоа ќе стане пракса. Средбата траеше повеќе од еден и пол час.