Шпанскиот фудбалски тренер, Пеп Гвардиола својата најразочарувачка сезона на клупата на Барселона ја имаше во четвртата година од својот престој на „Камп Ноу“, а четвртата сезона ја почна и како менаџер на Манчестер сити и повторно не му оди.
„Денот кога видов изгаснат жар во очите на моите фудбалери, знаев дека е време да си заминам“, рече Гвардиола во 2012 година кога ја напушти Барса.
Нешто слично му се случува и сега во Сити. Резултатите на тимот се незадоволителни. Ливерпул е осум бода пред „граѓаните“ кои досега загубија од екипи како Норич и Вулверхемптон.
Премиерлигашот од „Етихад“ не делува како моќна машина која освојуваше речиси и по 100 бода. Ако продолжи со раните елиминации во ЛШ и ја загуби титулата во Англија, ова може да биде последна сезона за каталонскиот стручњак на клупата на Сити.