Дебатата на Правниот факултет во Белград која беше одржана синоќа на тема Закон за труд, за малку ќе се претвореше во тепачка, јавува српски Блиц.
За време на излагањето на министерот Саша Радуловиќ, студентите и претставниците на разни синдикати гласно негодуваа на неговото објаснување, а со аплауз ги подржуваа оние кои јасно ги изразува своите ставови против законот за труд кој ќе ги штити интересите на работодавачите и ќе им даде легална можност да делат откази и ниски плати и да ги понижуваат работниците.
Откако беа предупредени за однесувањето, за малку ќе настанеше судар меѓу учесниците на трибината, а министерот Радуловиќ ја искористи ‘гужвата’ и си замина од Правниот факултет, одбегнувајќи да одговори на прашањето на новинарката.
На снимката објавена на Youtube се гледа општиот метеж поради кој министерот ја напушти дебатата откако претставникот на синдикатот “Слога“ почна да свири со минијатурна копија на ‘вувузела’ (вид труба која се користи на спортски натпревари), објавува Блиц.