Првата црногорска Парада на гордоста започна во 11 часот во Подгорица. Поширокиот центар на градот е под тотална блокада, додека 2000 полицајци беа испратени на улиците за да обезбедиле мир кој не трае долго, јавува Блиц.
Полицијата се судри со 150 демонстранти кои се обидоа да влезат во центарот на градот.
Безбедносните сили со палки се обидоа да ги растераат хулигани и тие одговорија со камења и петарди. Нападот се случи пред почетокот на парадата кога физички нападнале еден активист ЛГБТ Форум за напредок.
Хулиганите упатуваа и закани преку социјалните мрежи а закани во форма на графити се појави на улиците на Подгорица.
Претходно, црногорските медиуми јавија дека тинејџерот М.В. (15) од Подгорица завршил во болница со изгореници откако се запалила експлозивната направа со која сакал да ја нападне Парадата на гордоста.
На инспекторите им раскажал дека самиот ја направил експлозивната направа со која сакал да ги нападне учесниците на денешната геј парада – јавува српски Курир. Како да ја направи научил на интернет, и детално раскажал колку грама од кои материјали искористил во нејзината изработка. Но експлозивниот материјал се запалил и му нанел изгореници по телото.
Повод за намерата за напад била исклучиво геј парадата која денеска за прв пат ќе се одржи во Подгорица – рекло детето во изјавата пред полицијата која ја дало во присуство на родителите